تورکیا.. بارانبارینی بەخوڕ لە جزیر

بارانبارین دوێنێ ئێوارە لە شارۆچکەکە دەستی پێ کرد و هەتا بەرەبەیانی ئەمڕۆ بەردەوام بووە. بەم پێیەش لافاوێکی زۆر لە ناوچەکەدا ھەڵساوە بۆیە نزیکەی ٥٠٠ خانوو لە چەند گەڕەکێکی ئەو شارۆچکەیە بەھۆی لافاوەکەوە زیانیان بەرکەوتووە.

لەلایەکی دیکەشەوە بارھەڵگرێک بەھۆی لافاوەکە لە رووبارەکەی دیجلە ون بووە و جێگەی باسە دوێنێ شەو بە ھۆی بارانەکەوە رێگای سەرەکی نێوان شرنەخ و جزیر رۆچوونی زەوی رووی داوە و ئێستاش کارەکانی چاککردنەوەی رێگەکە بەردەوامە.