بەریتانیا.. بەریەککەوتنی ھەلیکۆپتەر و فڕۆکەیەک

لەندەن - AA

ھەلیکۆپتەرێک و فڕۆکەیەکی مەدەنی لە ناوچەی بوکینگھامشیر باکووری رۆژھەڵاتی لەندەنی پایتەختی بەریتانیا لە ئاسماندا بەریەککەوت.

بەپێی راگەیەندراوێکی پارکی ئاسمانی ویکۆمب، ھەلیکۆپتەر و فڕۆکەکە لە بنکەی خۆیان ھەڵساون کە مەدەنین. زانیاری لەبارەی ژمارەی سەرنشینانی نێو ھەلیکۆپتەر و فڕۆکەکە بڵاونەکراوەتەوە.

ھاوکات ھێزەکانی ئاسمانی پاشایەتی بەریتانیا پشتڕاستی کردەوە کە فڕۆکە و ھەلیکۆپتەرەکە سەربازیی نین.

فڕۆکە مەدەنییەکە و ھەلیکۆپتەرەکە کاتژمێر ١٢:٠٠ی نیوەڕۆ بەریەککەوتن و ژمارەیەکی زۆر لە تیمەکانی تەندروستی خێرا و ئاگرکوژێنەوە بۆ شوێنی رووداوەکە گواسترانەوە.

ھەندێک لە رێگەکانی نزیک شوێنی رووداوەکە بە رووی ھاتوچۆ داخرا و و ھیچ زانیارێکیش لەبارەی ژمارەی قوربانیان بڵاو نەکراوەتەوە.