ئەفغانستان.. لە تەقینەوەیەکدا ٢٣ کەس کوژران
- بەهۆی تەقینەوەی ئۆتۆمبێلێکی بۆمبڕێژکراو لە رۆژهەڵاتی ئەفغانستان، ٢٣ کەس کوژران.
Ankara
ئەنقەرە- AA
تەقینەوەی ئۆتۆمبێلێکی بۆمبڕێژکراو لە شاری غەزنی رۆژهەڵاتی ئەفغانستان، ٢٣ کوژراوی لێکەوتەوە.
لەو بارەیەوە گوتەبێژی ویلایەتی غەزنی، وەحیدوڵڵا جومعەزادە ئاشکرای کرد تەقینەوەکە لەبەردەم بینایەکی هێزە ئەمنییەکانی شارەکە و لەڕێی ئۆتۆمبێلێکی بۆمبڕێژکراوەوە روویداوە.
وەحیدوڵڵا جومعەزادە ئەوەشی خستەڕوو کە لە تەقینەوەکەدا، ٢٣ کەس کوژراون و ١٦ی دیکەش برینداربوون.
تا ئێستاش هیچ لایەنێک بەرپرسیاریەتی خۆی لە تەقینەوەکە رانەگەیاندووە.