ئەفغانستان.. بەهۆی تەقینەوەیەك ٣٥ كەس بریندار بوون

كابول - AA

بەرپرسانی ئەفغانستان رایانگەیاند كە ئۆتۆمبێلێكی بۆمبڕێژكراو لە نزیك فێرگەی سەربازی و باڵەخانەی هەواڵگریی لە ناوچەی شەشەمی كابول، تەقییەوە.

بەگوتەی ئەو بەرپرسانە بەهۆی تەقینەوەكەوە، ٣٥ كەس بریندار بوون و هەروەها شایەتحاڵان ئاماژە بەوە دەدەن، دوای تەقینەوەكە پێكدادان لەنێوان پەلاماردەرەكان و پۆلیسدا روویداوە.

گوتەبێژی تاڵیبان، زەبیحوڵڵا موجاهید بەرپرسیارەتی بزووتنەوەکەیان لە ئەنجامدانی تەقینەوەکە راگەیاند و بانگەشەی ئەوەی كرد تەقینەوەكە لە باڵەخانەی هەواڵگریدا روویداوە.