ئیستانبوڵ - AA
یانەی لیڤەرپوولی ئینگلیزی رایگەیاند کە چوار لە یاریزانەکانی لە کۆتایی وەرزدا، یانەکە جێدەهێڵن.
لە راگەیەندراوێکدا کە لە ماڵپەڕی یانەکەدا بڵاوکراوەتەوە، باس لەوە کراوە هەر یەک لە رۆبێرتۆ فیرمینۆ، نابی کیتا، جەیمس میلنەر و ئەلێکس ئۆکسلەید-چامبەرلین وەرزی داهاتوو لە ریزی یاریزانەکانیدا نابن.
ئەم چوار یاریزانە بە راهێنەرایەتی یۆرگن کلۆپ بەشدارییان لە سەرکەوتنەکانی یانەکەدا کردووە لە خولی یانە پاڵەوانەکانی ئەورووپا، جامی سوپەری ئەورووپا، جامی جیهانی یانەکانی فیفا لە ساڵی ٢٠١٩ و نازناوی پرێمیەر لیگ کە لیڤەرپوول لە وەرزی ٢٠١٩-٢٠٢٠دا بەدەستی هێنا.
رۆبێرتۆ فیرمینۆ، نابی کیتا، جەیمس میلنەر و ئەلێکس ئۆکسلەید-چامبەرلین لە کۆتا یاری لیڤەرپوول لەم وەرزەدا لە یاریگای ئەنفێڵد رۆد کە رووبەڕووی ئەستۆن ڤێلا دەبنەوە، خوادا حافیزی لە هاندەرانی یانەکە دەکەن.
