تۆپی پێ: پاڵەوانێتی ٢٠٢١ی تۆپی پێی ئەفریقا

ئیستانبوڵ - AA

لە میانەی یارییەکانی پاڵەوانێتی ٢٠٢١ی تۆپی پێی ئەفریقادا هەڵبژاردەنی میسڕ بە ئەنجامی ٣-١ لە هەڵبژاردەی کامێرونی بردەوە و توانی بۆ یاری کۆتایی پاڵەوانێتییەکە سەربکەوێت.

کاتی ئاسایی یارییەکە و ماوەی درێژکردنەوە، بەبێ تۆمار کردنی هیچ گۆڵێک کۆتایی هات، بۆ دیاری کردنی ئەو هەڵبژاردەیەی دەگاتە یاری کۆتایی پاڵەوانێتییەکە، رووبەڕووبوونەکە کرا بە لێدانی پەنارتی.

لێدانەکانی یاریزانان زیزۆ، محەمەد عەبدولمونعیم و مستەفا لاشێن بوونە گۆڵ بۆ هەڵبژاردەی میسر.

تاکە گۆڵەکەی هەڵبژاردەی کامێرونیش لەلایەن یاریزان، ڤینسێنت ئەبوبەکرەوە تۆمار کرا.

بەم شێوەیەش یارییەکە بە ئەنجامی ٣-١ لە بەرژەوەندی هەڵبژاردەی میسڕ کۆتایی هات.

لەڕێی ئەم ئەنجامەشەوە هەڵبژاردەی میسڕ گەیشتە رووبەڕووبوونەوەی کۆتایی پاڵەوانێتییەکە و دەبێتە رکاری هەڵبژاردەی سەنیگال.