ئەنقەرە- AA
پێنج خولە گەورەی ئەورووپا بۆ تۆپی پێی خولی ئینگلتەرا (پرێمیەر لیگ)، خولی ئیسپانیا (لا لیگا)، خولی ئیتاڵیا (سێری ئا)، خولی ئەڵمانیا (بوندسلیگا) و خولی فەڕەنسا (لیگ ۱)، یارییەکانیان بەردەوامیان هەیە.
لە خولی ئەڵمانیادا، یانەی بایەرن میونخ و لە خولی فەڕەنسادا، یانەی پاریس سان جێرمان و لە خولی ئیسپانیادا، یانەی ریال مەدرید و لە خولی ئینگلتەرادا، یانەی مانچستەر ستی، هەروەها لە خولی ئیتاڵیادا، یانەی ئەی سی میلان لە ریزبەندی یەکەمدان.
- پرێمیەر لیگ
لە یاری کۆتایی ئەم هەفتەیەدا یانەی لیڤەرپوول رووبەڕووی یانەی چێڵسی بووەوە و کاتی ئاسایی یارییەکە بە ئەنجامی ٠-٠ کۆتایی هات، دواتر بە لێدانی پێناڵتی یانەی لیڤەرپوول بردیەوە. بەم ئەنجامەش ئومێدەکانی لیڤەرپوول بۆ بەدەستهێنانی نازناوی خولی ئینگلتەرا بەردەوامە.
هەروەها یانەی مانچستەر ستی کە لە ریزبەندی یەکەمدایە بە ئەنجامی ٢-٢ لەگەڵ وێست هام یونایتد، یەکسان بوو، بەڵام هەر لە ریزبەندی یەکەمدا مایەوە، لەئێستاشدا رکابەرییەکانی نێوان لیڤەرپوول و مانچستەر ستی بۆ بەدەستهێنانی نازناوی پاڵەوانی خولی ئینگلتەرا بەردەوامە.
لە کۆتایی هەفتەی ٣٧ی پرێمیەر لیگدا، یانەی مانچستەر یونایتد بە ٩٠ خاڵ لە ریزبەندی یەکەمی لیگەکەدایە، دوای ئەویش یانەی لیڤەرپوول بە ٨٦ خاڵ لە ریزبەندی دووەم، یانەی چێڵسی بە ٧٠ خاڵ لە ریزبەندی سێیەم، یانەی تۆتنهام بە ٦٨ خاڵ لە ریزبەندی چوارەم و یانەی ئارسناڵ بە ٦٦ خاڵ لە ریزبەندی پێنجەمدایە.
- سێری ئا
یانەی ئەی سی میلانی پێشەنگی سێری ئا لە رووبەڕووبوونەوەیدا لەگەڵ یانەی ئاتاڵانتا بە ئەنجامی ٢-٠ سەرکەوتنی بەدەستهێنا.
هەروەها یانەی ئینتەر میلان کە لە ریزبەندی دووەمدایە بە ئەنجامی ٣-١ سەرکەوت بەسەر یانەی کالیاری.
لە رووبەڕووبوونەوەیەکی دیکەشدا یانەی ناپۆلی بە ئەنجامی ٣-٠ سەرکەوت بەسەر یانەی جێنەوا.
ریزبەندی یانەکانی سێری ئا لە هەفتەی ٣٧دا، بەم شێوەیە بوو؛ یانەی ئەی سی میلان بە ٨٣ خاڵ لە ریزبەندی یەکەمدا، یانەی ئینتەر میلان بە ٨١ خاڵ لە ریزبەندی دووەم، یانەی ناپۆلی بە ٧٦ خاڵ لە ریزبەندی سێیەم و یانەی یوڤێنتوس بە ٦٩ خاڵ لە ریزبەندی چوارەمدایە.
- لا لیگا
هەموو ئەو یانانەی لە چوار ریزبەندی سەرەوەی لا لیگادا هەن، یارییەکانی ئەم هەفتەیەیان بە ئەنجامی یەکسان کۆتایی پێ هێنا.
یانەی ریال مەدرید کە پێشەنگی خولی ئیسپانیایە رووبەڕووی یانەی کادیز بووەوە و یارییەکە بە ئەنجامی ١-١ کۆتایی هات.
لە رووبەڕووبوونەوەیەکی دیکەشدا یانەی بارسێلۆنا لەگەڵ یانەی خێتافی بە ئەنجامی ٠-٠ یەکسان بوون، هەروەها یاری نێوان ئەتلەتیکۆ مەدرید و سێڤیلیا بە ئەنجامی ١-١ کۆتایی هات.
هەفتەی ٣٧ی لا لیگا بەم شێوەیە کۆتایی هات: یانەی ریال مەدرید بە ٨٥ خاڵ لە ریزبەندی یەکەمدا بوو. دوای ئەویش یانەی بارسێلۆنا بە ٧٣ خاڵ لە ریزبەندی دووەم و یانەکانی ئەتلەتیکۆ مەدرید بە ٦٨ خاڵ و سێڤیلیا بە ٦٧ خاڵ لە ریزبەندی سێیەم و چوارەمدا بوون.
- بوندسلیگا
لە کۆتایی یارییەکانی ئەم هەفتەیەی خولی ئەڵمانیا (بوندسلیگا) یانەی بایەرن میونخ بە ئەنجامی ٢-٢ لەگەڵ یانەی ڤۆڵفسبورگ، یەکسان بوو.
یانەی بۆروسیا دۆرتموند لە یارییەکی دیکەدا، رووبەڕووی یانەی هێرتا بەرلین بووە و یارییەکە بە ئەنجامی ٢-١ لە بەرژەوەندی یانەی دۆرتموند کۆتایی هات.
لە یارییەکی دیکەشدا یانەی بایەر لێڤەرکوسەن بە ئەنجامی ٢-١ لە یانەی فرایبورگی بردەوە، هەروەها یانەی لایپزیگ لە رووبەڕووبوونەوەیەکدا بە ئەنجامی ١-١ لەگەڵ یانەی ئارمینیا بیڵەفێڵد، یەکسان بوو.
بەم شێوەیە یانەی بایەرن میونخ بە ٧٧ خاڵ لە ریزبەندی یەکەمی بوندسلیگادا مایەوە، دوای ئەویش یانەی بۆروسیا دۆرتموند بە ٦٩ خاڵ لە ریزبەندی دووەم، یانەی بایەر لێڤەرکوسەن بە ٦٤ خاڵ لە ریزبەندی سێیەم و یانەی لایپزیگ بە ٥٨ خاڵ لە ریزبەندی چوارەمدا بوو.
- لیگ ١
لە میانی رووبەڕووبوونەوەکانی ئەم هەفتەیەی لیگ ١ی فەڕەنسادا، یانەی پاریس سان جێرمان بە ئەنجامی ٤-٠ لە یانەی مۆنپێلییەی بردەوە.
هەروەها یانەی ئۆلیمپیک مارسیلیا بە ئەنجامی ٢-٠ سەرکەوت بەسەر یانەی رین.
لە یارییەکی دیکەشدا یانەی مۆناکۆ بە ئەنجامی ٤-٢ بەسەر یانەی برێستدا سەرکەوت.
بەم ئەنجامەش یانەی پاریس سان جێرمان بە ٨٣ خاڵ لە ریزبەندی یەکەمی خولی فەڕەنسادایە، دوای ئەویش یانەی مۆناکۆ بە ٦٨ خاڵ و جیاوازی تێکڕا لە پلەی دووەمدا دێت، بە دواشیدا یانەی ئۆلیمپیک مارسیلیا بە ٦٨ خاڵ لە ریزبەندی سێیەمدا دێت و یانەی رین بە ٦٥ خاڵ لە ریزبەندی چوارەمدایە.
