بەلجیکا پلەی سێیەمی لە جامی جیھانی ٢٠١٨ی رووسیا بەدەستھێنا

سەنت پیتەرزبورگ - AA

ھەڵبژاردەی بەلجیکا، بە ئەنجامی ٢-٠ لە ھەڵبژاردەی ئینگڵتەرای بردەوە و، پلەی سێیەمی لە جامی جیھانی ٢٠١٨ی رووسیا بەدەستھێنا.

لە چوارچێوەی یاری نێوان ھەڵبژاردەکانی ئینگڵتەرا و بەلجیکا لەسەر پلەی سێیەمی مۆندیالی رووسیا ٢٠١٨، ھەڵبژاردەی بەلجیکا لە خولەکی ٤ یارییەکەدا لە رێگەی یاریزان تۆماس میونیەر، گۆڵێکی بەرامبەر ئینگڵتەرا تۆمار کرد و بە ئەنجامی ١-٠ پێشکەوت و گێمی یەکەم بەم ئەنجامە کۆتاییھات.

لە گێمی دووەم و، بە دیاریکراوی لە خولەکی ٨٢ی یارییەکەدا، بەلجیکا لە رێگەی یاریزان ئێدەن ھازارد، گۆڵێکی دیکەی بەرامبەر ئینگڵتەرا تۆمار کرد و بە ئەنجامی ٢-٠ پێشکەوت.
بەم پێیەش ھەڵبژاردەی بەلجیکا، بە ئەنجامی ٢-٠ لە ھەڵبژاردەی ئینگڵتەرای بردەوە و، پلەی سێیەمی لە جامی جیھانی ٢٠١٨ی رووسیا بەدەستھێنا.