یڵدرم: "تاکو ئەمڕۆ ٩٤ جار بە گوللـە ھاوەن هێرش کراوەتە سەر تورکیا"

کلیس - AA

سەرۆکوەزیرانی تورکیا، بینالی یڵدرم رایگەیاند کە "تاکو ئەمڕۆ ٩٤ جار بە گوللـە ھاوەن ھێرش کراوەتە سەر تورکیا کە ٦٠یان بۆ سەر ھاتای و ٣٤یش بۆ سەر کلیس بووە. حەوت ھاووڵاتی سڤیل گیانیان لەدەستداوە و ١١٣ی دیکەش برینداربوون".

سەرۆکوەزیرانی تورکیا، بینالی یڵدرم سەردانی ژووری عەمەلیاتی فەرماندەیی دووەمی سوپای تورکیای کرد لە شاری کلیس و گوتارێکی پێشکەش کرد.

بینالی یڵدرم گوتی: "بۆ ئەوانەی باوەڕ بەو کەسانە دەکەن کە ھەڵمەتی خراپ نیشاندان (رەشکردن) بەڕێوەدەبەن دوو قسەم ھەیە. لە ناتۆ ھاوپەیمانی ئێمەن و لە چەند بوارێکی جیاوازدا پێکەوە کار دەکەین".

سەرۆکوەزیرانی تورکیا لەبارەی پێدانی باج و دانانی دڵنیایی لە لایەن دوکانداران و خاوەن کارەکان لە ھاتای و کلیس رایگەیاند کە سبەی لە کۆبوونەوەی ئەنجوومەنی وەزیراندا رێوشوێنی پێویست لەوبارەیەوە دەگرنەبەر.

یڵدرم گوتیشی: "ئەگەر دەتانەوێت ئەم ھاوپەیمانییە بەردەوام بێت، نابێت باوەڕ بە قسەی ئەم تاڵانچیانە بکەن. پێویستە متمانە بە قسەی تورکیا بکەن".

سەرۆکوەزیرانی تورکیا، بینالی یڵدرم لە درێژەدا گوتی: "تاکو ئەمڕۆ ٩٤ جار بە گوللـە ھاوەن ھێرش کراوەتە سەر تورکیا کە ٦٠یان بۆ سەر ھاتای و ٣٤یش بۆ سەر کلیس بووە. حەوت ھاووڵاتی سڤیل گیانیان لەدەستداوە و ١١٣ی دیکەش برینداربوون".