کۆبوونەوەی ئەردۆغان و بولەند ئارنج

ئەنقەرە -AA

سەرۆکی پێشووی پەرلەمانی تورکیا، بولەند ئارنج لەگەڵ سەرکۆماری تورکیا، رەجەب تەیب ئەردۆغان کۆبووەوە.

ئارنج دوای کۆبوونەوەی لەگەڵ ئەردۆغان لێدوانی بۆ رۆژنامەنووسان دا.

ئارنج لە بارەی ناوەڕۆکی کۆبوونەوەکەوە بۆ میدیاکاران گوتی: "کۆبوونەوەکە بە شێوەیەکی ئەرێنی و باش بەرێوەچوو".

ئارنج جەختی کردەوە لەوەی کە بە هیچ شێوەیەک کارێک ناکات زیان بە ئاک پارتی بگەیەنێت و گوتی: "من لەنێو هیچ جوڵەیەکدا نابم کە زیان بە ئاک پارتی یان سەرۆکایەتی گشتی پارتەکە بگەیەنێت".

سەرۆکی پێشووی پەرلەمانی تورکیا، بولەند ئارنج گوتیشی: "من نیازی ئەوەم نییە کە ببمەوە بە سیاسییەکی چالاک. بەڵام لەو باوەڕەدام کە بەدەر لە سیاسییەکی چالاک چەندین ئەرک و خزمەتم لەپێشە کە بۆ وڵاتەکەم ئەنجامی بدەم".