ڕووداوێکی هاتوچۆ لە قۆنیا گیانلەدەستدانی چوار کەسی لێکەوتەوە

قۆنیا - AA

لە قەزای ئەرەگلی سەربە پارێزگای قۆنیا، لە ئاکامی وەرگەڕانی ئۆتۆمبێلێکدا چوار کەس گیانیان لەدەستدا و دوو کەسی دیکەش برینداربوون.

ڕووداوەکە لە سەر ڕێگای ئەرەگلی-قۆنیا ڕوویدا و بەهۆی بەرکەوتنی ئۆتۆمبێلەکە بە بەربەستی کەنار ڕێگاکە وەرگەڕا.

دوا بە دوای ڕووداوەکە تیمەکانی تەندروستیی و پۆلیس و ئاگرکوژێنەوە گەیشتنە شوێنی ڕووداوەکە.

لەو ڕووداوەدا چوار کەس گیانیان لەدەستدا و دوو کەسیش کە دایکێک و کوڕە سێ ساڵانەکەی بوون بە برینداری ڕزگاریان بوو.