دوای ئازاد کردنی پەرلەمانتاری بەندکراوی جەھەپە مستەفا باڵبای، پارێزەرانی پەرلەمانتارانی بەندکراوی بەدەپە و دۆزی کەجەکە، بۆ ئازاد کردنییان داواکارییان پێشکەشی دادگای دیاربەکر کرد. بەڵام دادگا بە نەخێر ئەو داواکارییەی رەتکردەوە.
داواکاری گشتیی تورکیا لە دیاربەکر دوای ھەڵسەنگاندنی داواکاری ئازادکردنی ئەو پەرلەمانتارانەی بە تاوانی ئەندامبوون لە رێکخراوێکی چەکداریی و پروپاگەندە کردن بۆ رێکخراوێکی چەکداریی لە چوارچێوەی دۆزی کەجەکەدا دەستگیرکراون، داواکەی رەتکردۆتەوە.
بەدەپە رایگەیاندبوو پێنج پەرلەمانتار و هەزاران کەس لە بەرپرس و ئەندامانیان لە زیندانەکانی تورکیا دان، هەر بۆیە حەفتەی رابردوو داوای لە دادگای تورکیا کرد ئەو کەسانە ئازاد بکا.
