نزیکەی ١،٧ ملیۆن کەس لە گومرک و نوێنەرایەتییەکانی دەرەوەی تورکیا دەنگیان داوە

ئەنقەرە - AA

ژمارەی ئەو دەنگدەرانەی لە گومرک و نوێنەرایەتییەکانی دەرەوەی تورکیا دەنگیان بۆ هەڵبژاردنەکەی ١٤ی ئایاری سەرۆکایەتی و خولی ٢٨مین پەرلەمانی وڵاتەکە داوە، یەک ملیۆن و ٦٩٣ هەزار و ٦٧ کەسن.

بەپێی ئەو زانیارییەی لە دامەزراوەی باڵای هەڵبژاردنەوە دەست ئاژانسی ئانادۆڵو کەوتووە، لە چوارچێوەی پرۆسەی دەنگدان کە لە ٢٧ی نیساندا لە دەروازە گومرکییەکان و نوێنەرایەتییەکانی تورکیا لە دەرەوەی وڵاتەکە دەستی پێ کردووە، یەک ملیۆن و ٥٧٨ هەزار و ٢٥٩ کەس لە نوێنەرایەتییەکان و ١١٤ هەزار و ٨٠٨ کەسیش لە دەروازە گومرکییەکان دەنگیان داوە.

سبەی پرۆسەی دەنگدان لە نوێنەرایەتییەکانی دەرەوەی وڵات کۆتایی دێت، بەڵام لە دەروازە گومرکییەکان تا کاتژمێر ١٧:٠٠ی رۆژی ١٤ی ئایار بەردەوام دەبێت.