مەرال ئاکشەنەر: ''دژبە یەکبوونی هەدەپە و ئیی پارتی زۆر ئاساییە''

ئەنقەرە - AA

سەرۆکی گشتیی ئیی پارتی، مەرال ئاکشەنەر لە میانی بەشداریکردنی لە بەرنامەی ''تەکە تەک''ی کەناڵی خەبەرتورک، وەڵامی پرسیارەکانی سەبارەت بە رۆژەڤ دایەوە.

مەرال ئاکشەنەر لە وەڵامی پرسیارێکدا سەبارەت بە جێهێشتنی مێزی شەش لایەنی و گەڕانەوەی بۆی، لەو کاتەدا لەدەستدانی دەنگ لە پارتەکەتاندا لە ئارادابوو، ئایا ئەو دەنگەی لەدەستداندا بەدەستانهێنایەوە ئاماژەی بەوە کرد کە لە راپرسییەکاندا دەنگەکان بەرزبووەتەوە و رایگەیاند: ''کاتێک تێکڕای هەموو ئەو راپرسیانە وەردەگیرێت کە لەلایەن کۆمپانیاکانی راپرسیەوە کراون، دەنگەکانمان سەدا ١٥ن''.

سەرۆکی گشتیی ئیی پارتی هەروەها لە وەڵامی پرسیارێکی دیکەدا سەبارەت بەوەی کاتێک لە مێزی شەشیدا نەمان پارتی سەوزی چەپ رایگەیاند، پشتیوانی لە کەمال کڵچدارئۆغڵو دەکەن، ئەوەیش بووە هۆی ئەوەی هاوپەیمانیی جومهور بانگەشەی ئەوە بکات کە رێکخراوی تیرۆریستیی پشتیوانیتان دەکات، ئایا لەگەڵ هەدەپەدا هاریکاری نزیکتان هەیە؟ رایگەیاند: ''هەمووان دەزانن کە هەدەپە لەو مێزەدا بوونی نییە''.

ئاکشەنەر باسی لەوە کرد کاتێک هاوسەرۆکی هەدەپە، میتهات سانجار رایگەیاند کە لە هەڵبژاردنی سەرۆکایەتی کۆماردا پشتیوانی لە کەمال کڵچدارئۆغڵو دەکەن هیچ سەودایەک نەکراوە و گوتی: ''مەهەپە پەسەندی کرد لەگەڵ هودا پار لە پاڵ یەکدابن. گوتیان 'لەگەڵ حزبوڵڵادا نزیکیان نییە'. کاری خۆیان کرد. بۆ نموونە لێرەدا هیچ کێشەیەک نییە، بەڵام لەکاتێکدا هەدەپە لەسەر مێزی ئێمە نییە، ئەو دوو پارتە هەرایان ناوەتەوە. پێش هەموو شتێک زنجیرەیەک سووکایەتی بە ئێمە پاشان بە هەدەپە و پێکهاتەیەکی جیاواز دەکرێت. لێرەدا بابەتەکە ئەمەیە؛ ئەگەر جەهەپە بڵێت: براکەم دەنگی ئەوان بەرزترە، دەنگی ئێوە بەس نییە و ئێمە ئەویش بانگهێشت دەکەین' ئەوا ئێمە بەڕوونی ئەوە دەڵێین کە دژ بەیەکبوونی هەدەپە و ئیی پارتی زۆر ئاساییە. ئێمە بە هیچ شێوەیەک نە بەڕاستەوخۆ و نە بە ناڕاستەوخۆ پەیوەندیمان لەگەڵیاندا نییە''.

مەرال ئاکشەنەر باسی لەوە کرد کە لەم وڵاتەدا ئەوە هەڵەیە بگوترێت کورد و پەکەکە یەکسانن و گوتی: ''ئایا ئاک پارتی دەنگی کوردەکانی ناوێت؟ ئیی پارتی دەنگی کوردەکانی ناوێت؟ جەهەپە و پارتەکانی دیکە دەنگی کوردەکانیان ناوێت، هەمووان دەمانەوێت. دەنگی هەموو ئەوانەمان دەوێت کە لە تورکیادا دەژین. دەنگی هەموو ئەوانەمان دەوێت کە دەنگ بە پارتە سیاسییەکان دەدەن. بێگومان لەناو هەدەپەدا دەنگ هەیە سەدا سەد پشتیوانی لە پەکەکە دەکات، لەگەڵ ئەوەشدا کەس هەیە دەنگ بەو پارتە دەدات و هیچ پەیوەندییەکی بە پەکەکەوە نییە''.