ئەنقەرە
سەرۆکوەزیرانی تورکیا ( رەجەب تەیب ئەردۆغان) گوتی: دەستیان بە ئامادەکاری بۆ کەمکردنەوەی ماوەی سەربازی کردووە.
رەجەب تەیب ئەردۆغان لە میانی بەرنامەیەکی تەلەفزیۆنی ھاوبەشی ھەر دوو کەناڵی ئاخبەر و ئاتیڤیدا گوتی" پێشتر ماوەی سەربازی ١٨ مانگ بوو، سێ مانگمان لێ کۆرت کردەوە و بوو بە ١٥ مانگ و ئێستەیش سەرقاڵی کۆرت کردنەوەی ئەو ماوەیەن.
ئەردۆغان گوتی: لەگەڵ سەرۆک ئەرکانی سوپا و وەزارەتی بەرگریدا لە سەر کورتکردنەوەی سێ مانگی دیکە لە ماوەی سەربازی رێککەوتەین و لەمەو بەدواوە ماوەی سەربازی لە تورکیا دەبێتە ١٢ مانگ.
