لێدوانی وەزیری گواستنەوە و ژێرخانی تورکیا لەسەر دوایین دۆخی ئاگرەکانی مارماریس

موغڵا - AA

وەزیری گواستنەوە و ژێرخانی تورکیا، عادل کارائیسماعیلئۆغڵو، دەربارەی ئاگرەکان گوتی: "لە ئێستا بەدواوە ھەموو ھێزەکانمان لە ناوچەی موغڵا جێگیرکرد. پەنا بەخودا، لە ھەوڵی تەواوکردنی ئێرەداین لە کورترین ماوەدا".

کارائیسماعیلئۆغڵو، لەگەڵ وەزیری کشتوکاڵ و دارستانەکانی تورکیا بەکر پاکدەمیرلی، وەزیری ژینگە و شارسازی موراد کوروم و وەزیری ناوخۆ سولەیمان سۆیڵو، لە خانەی مامۆستایانی مارماریس بەشدارییان لە کۆبوونەوەی رێکخستن و بەڕێوەبردنى ئاگرەكان کرد.

وەزیری گواستنەوە و ژێرخانی تورکیا، عادل کارائیسماعیلئۆغڵو، لە لێدوانێكيدا پێش کۆبوونەوەکە ئاماژەی بەوە کرد کە پێش دوو رۆژ ئاگری دارستانەکانی ئانتاڵیا کوژێندراوەتەوە.

کارائیسماعیلئۆغڵو، لە بارەی ئاگری دارستانەکانی داڵامان، گوتی: "ھیچ کێشەیەک لە فڕۆکەخانەدا نییە. فڕۆکە مەدەنییەکان و کوژاندنەوەی ئاگر پرۆگرامی خۆیان بەڕێوەدەبەن".

عادل کارائیسماعیلئۆغڵو، گوتیشی: "ئەو ئاگرەی کە لە فڕۆکەخانەی داڵامانەوە نزیکبوو لە ماوەیەکی کورتدا کوژێندرایەوە، گەشتی ھاتووچۆ لە فڕۆکەخانەکەدا بە ئاسایی بەردەوامە".