كوركچو: كۆسپ لەبەردەم پڕۆسەی چارەسەر ھەیە

ئەنقەرە

ھاوسەرۆكی پارتی دیموكراتی گەلان ئەرتوغروڵ كوردكچو، لە كۆبوونەوەی فراكسیۆنی حزبەكەیدا لە پەرلەمانی توركیا گوتەیەكی پێشكەش كرد و تیایدا ئاماژەی بەوە کرد كە جێگری سەرۆكی فراكسیۆنی حزبەكەیان، پەروین بوڵدان، ئەمڕۆ بە بۆنەی ساڵیادەكەی، سەردانی گۆڕی ھاوسەرەكەی دەكا، كە لە 3ی حوزەیرانی ساڵی 1994 كوژراوە و گوتی: "پێویستە ھەموو ئەو كوشتنانەی بكەرەکانیان نادیارە كە لە ساڵانی 1990 ئەنجام دراون ئاشكرا بكرێن. ئەمە كۆسپێكە لەبەردەم پڕۆسەی چارەسەر."

كوركچو باسی لەوە کرد كە كۆسپێكی دیكە لەبەردەم پڕۆسەكە ھەیە و گوتی: "پێویستە توركیا سیاسەتی خۆی بەرامبەر سوریا بگۆڕێ و واز لە یارمەتیدانی چەتەكان لە سوریا بێنێ."

گوتیشی: "سەرۆكوەزیران ئەردۆغان ناوی حزبەكەمانی وەك پارتی دیموكراسی ئازاد ناو برد، دیارە لەگەڵ پارتی داوای ئازادی تێكەڵی دەكا، ئەوان خۆشەویستەكەی ئەردۆغانن، ئێمە پارتی دیموكراتی گەلانین."

كوركچو گوتی: "پێشنیار بۆ خێزانەكان دەکەم، لەگەڵ ئێمە و حكومەت پەیوەندییان هەبێ بۆ دۆزینەوەی چارەسەرێكی سیاسی."

ئاماژەشی کرد کە چارەسەركردنی ئەم بابەتە لەوەدایە توركیا خاڵی پەروەردەی منداڵان بە زمانی دایك و كەلتوورەكەی، كە لە ناو پەیماننامەی مافی منداڵانی نەتەوە یەكگرتووەكاندایە، پەسەند بكا.