ئیستانبوڵ - AA
کۆمپانیای بایراکتار ڕایگەیاند، فڕۆکەی بێ فڕۆکەوانی جەنگی "قزلئەڵما" مووشەکێکی نوێی ئاسمانی بە سەرکەوتوویی تاقی کردەوە.
بایراکتار قزلئەڵما (Bayraktar KIZILELMA) بە ئاراستەکردنی ئەو مووشەکە، پێگەی مێژوویی خۆی لەسەر ئاستی جیهانی ناساندووە.
کۆمپانیای بایکار بە دەرکردنی بەیاننامەیەک، لەبارەی پێگەی مێژووی فڕۆکەی بێ فڕۆکەوانی جەنگی قزڵئەڵما دواوە.
لە بەیاننامەکەی بایکار'دا هاتووە، بایراکتار قزلئەڵما یەکەم فڕۆکەی بێ فڕۆکەوانە لە ئاستی جیهان کە توانیبێتی مووشەکێکی بەو شێوەیە لە کەنارئاوەکانی سینۆپ باكووری توركیا تاقی بکاتەوە.
بە پێی بەیاننامەکە، فڕۆکە بێ فڕۆکەوانەکە توانیوێتی لە ئاسماندا جێت'ێکی جەنگی بکاتە ئامانج و بیتەقێنێتەوە.
زۆربەی فڕۆکە بێ فڕۆکەوانە شەڕکەرەکان تەنیا ئەرکی بۆردومانی هەوا بۆ زەمین'یان پێ دەسپێردرێت و هەر بەو شێوەی دیزاین کراون، بەڵام ئەوە بۆ یەکەمجارە، فڕۆکەیەکی بێ فڕۆکەوان ئەرکی بۆردومانێکی ئاسمانی لە ئاسماندای پێ دەسپێردرێت.
بەو پێیە بۆردومانی ئامانجێکی ئاسمانی لە لایەن فڕۆکەیەکی بێ فڕۆکەوانەوە، وەک لاپەڕەیەکی نوێ و هەنگاوێکی گرنگ سەیر دەکرێت و کۆمپانیای بایکار توانیوێتی واژوو لەسەر ئەو بەرهەمە گرنگەی بکات.
