شلیکی والی خانم لە تام و نرخدا بووەتە جێگای سەرنج

موغڵا- AA

شلیکی سان ئاندرێس کە لەناو خەڵکدا بە "شلیکی والی خانم" ناسراوە لەڕووی تام و لەڕووی نرخەوە بووەتە جێگای بایەخی هاووڵاتییان.

لە زۆربەی ناوچەکانی پارێزگای موغڵا، ئەم جۆرە شلیکە بەرهەم دەهێندرێت و لەئێستادا، ٤٠٠ دۆنم زەوی بە نزیکەی ٢،٥ ملیۆن نەمامی شلیک داچێنراوە.

تەنها لە پارێزگای موغڵا ساڵانە، چوار هەزار و ٢٥٦ تۆن شلیک بەرهەم دەهێندرێت کە داهاتەکەی نزیکەی ٤٣ ملیۆن دۆلارە.

هەروەها لە کوێستانەکانی پارێزگای موغڵا و ئەو شارۆچکانەی کە نزیکن لە دەریای ناوەڕاست لە هەر ١٢ مانگەکەی ساڵدا شلیک بەرهەم دەهێندرێت.

زۆربەی ئەو کرێکارانەشی لە کێڵگەکانی شلیکدا کار دەکەن، ئافرەتن و ئەم کارە بووەتە سەرچاوەی بژێوی ژیانیان.