سەرکۆمار ئەردۆغان بەرەو ئێران بەڕێ کەوت

ئەنقەرە - AA

سەرکۆماری تورکیا، رەجەب تەیب ئەردۆغان بە مەبەستی بەشداریکردن لە لووتکەی سێقۆڵی ' تورکیا - ئێران - رووسیا ' سەبارەت بە بابەتی سووریا، بە فڕۆکەی تایبەت لە جۆری (CAN) کاتژمێر ٩:١٠خولەک بەکاتی ناوخۆی تورکیا بەرەو ئێران بەڕێ کەوت.

ئەردۆغان لە فڕۆکەخانەی ئەسەنبۆغا لە ئەنقەرە لەلایەن هەریەک لە جێگری سەرکۆمار، فوئاد ئۆکتای و پارێزگاری ئەنقەرە، ئەرجان تۆپاجا و فەرماندەی گارنیسۆنی ئەنقەرە، عەلی سیڤری و ژمارەیەک بەرپرس بەڕێکرا.

هەریەک لە وەزیری بەرگری، خوڵوسی ئاکار و وەزیری ئابووری و گەنجینە، بەرات ئاڵبایراک، بەرپرسی پەیوەندییەکانی سەرۆکایەتی کۆمار، فەخرەددین ئاڵتون یاوەری ئەردۆغان دەکەن لە سەردانەکەی بۆ ئێران.