سەربازێکی رژێمی ئەسەد پەنای بردە بەر تورکیا

هاتای- AA

سەربازێکی سوپای سووریا، لەسنووری هاتایەوە بەرەو تورکیا هەڵات.

کەسێک کە لە سووریاوە هاتبووە سەر سنووری هاتای، پەنای بردە بەر یەکە سەربازییەکانی تورکیا لەسەر سنوور.

ئەو هاووڵاتییە سوورییە کە ئاشکرایکردووە سەربازی سوپای سووریایە، بەمەبەستی ئەنجامدانی لێکۆڵینەوە لەگەڵیدا رادەستی هێزە ئەمنییەکان کرا.

ئەو سەربازە لەکاتی لێکۆڵینەوە لەگەڵیدا ئاماژەی بەوەکردووە بەزۆر لەریزەکانی سوپادا ماوەتەوە و بەمەبەستی جێهیشتنی سوپا، بەرەو تورکیا هەڵاتووە.