دیاربەکر.. بەهۆی کێشەیەکی کۆمەڵایەتییەوە کەسێک کوژرا

دیاربەکر- AA

لە شاری دیاربەکر لەسەر کێشەی زەوی و زار، شەڕ لەنێوان ئەندامانی یەک بنەماڵەدا دروستبوو و لە ئاکامدا، کەسێک کوژرا و دووی دیکەش برینداربوون.

ئەو دوو گرووپەی شەڕەکە لەنێوانیاندا روویدابوو، ئامۆزای یەکتربوون و کێشەکەی نێوانیان بردبووە دادگا.

بەڵام لە کاتی هاتنەدەرەوەیان لە دادگا شەڕ لەنێوان دوو گرووپەکەدا دروست بوو و لە ئاکامدا، کەسێک کوژرا و دووی دیکەش برینداربوون.

شەڕەکە لەڕێی کامێرایەکی چاودێری بینایەکی نزیک شوێنی رووداوەکەوە تۆمار کراوە و تیایدا ئەوە دەردەکەوێت کە لە شەڕەکەدا، ئەو دوو گرووپە بە دار، ماسیحە، کورسی و چەک هێرش دەکەنە سەر یەکتری و کەسێکیش بە برینداری لە شوێنی رووداوەکە دوور دەکەوێتەوە.