تەرمی سەرۆکوەزیرانی پێشووی تورکیا مەسعود یڵماز بە خاک سپێردرا

ئیستانبوڵ - AA

رۆژی هەینی رابردوو، مەسعود یڵماز کە لەنێوان ساڵانی (١٩٩١-١٩٩٩) سێ جار پۆستی سەرۆکوەزیرانی تورکیای بەڕێوەبردووە لە تەمەنی ٧٣ ساڵیدا، بە نەخۆشی کۆچی دوایی کرد.

بە بەشداری سەرکۆماری تورکیا، رەجەب تەیب ئەردۆغان و ئەندام و بەرپرسی حزبە جیاوازەکان لە شاری ئیستانبوڵ، نوێژی مردوو لەسەر تەرمی مەسعود یڵماز کرا.

لە رێوڕەسمەکەدا رەجەب تەیب ئەردۆغان گوتارێکی پێشکەش کرد و گوتی: "جێگای بەڕێز مەسعود بەهەشت بێت. بەناوی خۆم، خێزانەکەم و گەلەکەمەوە سەرخۆشی لە خانەوادەکەی دەکەم. بێگومان یەکێتی و یەکڕیزیمان دەبێتە گەورەترین سامانی نەتەوەییمان. هەربۆیە بەناوی ئێوەشەوە سەرخۆشی لە گەلەکەمان دەکەم".

دواتر تەرمی مەسعود یڵماز بەرەو گۆڕستان بەڕێکرا.