بینالی یڵدرم: "بەسەر ئەو ھێرشە ئابوورییەشدا سەردەکەوین"

کۆجاعەلی - AA

سەرۆکوەزیرانی تورکیا، بینالی یڵدرم رایگەیاند "ئەوانەی ویستیان کودەتا بەسەر دیموکراسیدا بکەن، کاتێک سەرنەکەوتن لەوەدا دەبینرێت کە لەم رۆژانەدا لە ھەوڵی کردەیەکی نوێن لەرێگەی ئابوورییەوە. وەک چۆن ئیرادەی میللی و سەقامگیری سیاسیمان پاراست، با ھیچ کەسێک نیگەران نەبێت، بەسەر ئەو ھێرشە ئابوورییەشدا سەردەکەوین".

سەرۆکوەزیرانی تورکیا،گوتی: "لە ماوەی ١٦ ساڵی رابردوودا بە زۆر تاقیکردنەوەدا تێپەڕین. ھەوڵی دوژمنایەتی و ھێرش بۆ سەر ئیرادی میللی، دیموکراسی و حکوومەتە ھەڵبژێردراوەکان نەدەبڕان. دواینیان لە ١٥ی تەمووزدا بە ھەوڵێکی داگیرکاری ناپاک ویسترا دەستبەسەر ھەموو وڵاتدا بگیرێت. لەگەڵ گەلەکەمان دەست لەناو دەست ئەو ئاستەنگ و سەختیانەمان تێپەڕاند و گەیشتینە ئەمڕۆ".