باخچەلی: "نابێت ئەسەد لە داھاتووی سووریا جێگای ببێتەوە"

ئەنقەرە - AA

سەرۆکی گشتی مەھەپە، دەوڵەت باخچەلی گوتی: "لووتکەی دوێنێی تاران بە دڵنیاییەوە مانادار و بەھادارە. دیموکراسی و قۆناغی گواستنەوەی سیاسی زۆر پێویستە. لە دەستەبەرکردنی ئەو پێویستییە گشت وڵاتان لە بەردەم مرۆڤایەتی و مێژوو بەرپرسیارن".
باخچەلی لە ھەژماری تایبەتی خۆی لە تۆڕی کۆمەڵایەتی تویتەر، راگەیاندراوێکی بڵاوکردەوە.

دەوڵەت باخچەلی لەبارەی لووتکەی دوێنێی شاری تاران گوتی: "لووتکەی دوێنێی تاران بە دڵنیاییەوە مانادار و بەھادارە. دیموکراسی و قۆناغی گواستنەوەی سیاسی زۆر پێویستە. لە دەستەبەرکردنی ئەو پێویستییە گشت وڵاتان لە بەردەم مرۆڤایەتی و مێژوو بەرپرسیارن".

سەرۆکی گشتی مەھەپە، دەوڵەت باخچەلی باسی لە سووریا کرد و گوتی: "نابێت ئەسەد لە داھاتووی سووریا جێگای ببێتەوە. بۆ ئەمەش پێویستە گەلی سووریا ئەم بڕیارە سیاسییە بدەن. پێویستە رێزگرتن لە یەکپارچەیی و سەربەخۆی خاکی سووریا بنەمایەکی گرنگ بێت. پێویستە ئەسەد و پوتین واز لە بۆردومانکردنی ئیدلب و شکاندنی ئاگربەست بھێنن".

سەرۆکی گشتی مەھەپە، دەوڵەت باخچەلی راشیگەیاند: "تورکیا ھی گەلی تورکە، ئانادۆڵو نیشتمانی تورکە. پێویستە بە زووترین کات پلانی گواستنەوەی ھاووڵاتیانی سووریا بۆ نیشتمانی راستی خۆی دابندرێت و جێبەجێ بکرێت. تەوژمی نوێی کۆچکردن داھاتووی گەل رەش دەکات".