ئەردۆغان و پوتین لەبارەی ئیدلب پەیوەندییەکی تەلەفۆنیان ئەنجامدا

ئەنقەرە - AA

سەرکۆماری تورکیا رەجەب تەیب ئەردۆغان پەیوەندییەکی تەلەفۆنی لەگەڵ سەرۆکی رووسیا ڤلادیمیر پوتین ئەنجام دا.

ئەردۆغان لەمیانی پەیوەندییە تەلەفۆنییەکەدا باسی له‌ قۆناغی چارەسەریی سیاسی و دەستەبەرکردنی بەپەلەی ئاگربەست لە ئیدلب کرد.

سەرکۆماری تورکیا لە پەیوەندییە تەلەفۆنییەکەدا جەختی لەسەر پێویستی نەھێشتنی مەترسی زیادبوونی کۆچ بۆ سەر سنوورەکان و رێگری لە زیانی گیانی زیاتر لە ھێرشەکانی رژێمی سووریا بۆ سەر خەڵکی سڤیل لە باشووری ئیدلب کردەوە.

راگەیەندرا کە سەرکۆماری تورکیا، رەجەب تەیب ئەردۆغان لە پەیوەندییە تەلەفۆنییەکەی لەگەڵ سەرۆکی رووسیا، ڤلادمیر پوتین رایگەیاندووە کە پەیوەندی نێوان دوو وڵات بە رۆژەڤی ئەرێنی بەرەو پێش دەچێت و ھەڵسەنگاندن بۆ ئەنجامەکانی ئەو دیدارە دەکرێ کە بڕیارە لە لووتکەی جی-٢٠ی وڵاتی ژاپۆن کۆببنەوە.