Sefa Mutlu
31 ئادار 2020•نوێکردنەوە: 01 نیسان 2020
ئيستانبوڵ - AA
سەركۆمارى توركيا، رەجەب تەيب ئەردۆغان پەيوەندييەكى تەلەفۆنى لەگەڵ سەرۆكى ئەمريكا، دۆناڵد ترەمپ ئەنجامدا.
بە گوێرەى ئەو روونكردنەوەى كە لە سەرۆكايەتى پەيوەندييەكان سەر بە سەرۆكايەتى كۆمارى توركياوە بڵاوكراوەتەوە، لە میانی پەيوەندييە تەلەفۆنییەكەدا، ئەردۆغان و ترەمپ جگە لە بابەتە دووقۆڵييەكان، تاوتوێى پێشهاتەكانى ناوچەكە و ڤايرۆسى كۆرۆناى نوێیان کرد كە جيهانى تەنيوە.
هەردوو سەرۆك، هاوڕابوون لەسەر ئەوەى كە بەرەنگاربوونەوەى ڤايرۆسى كۆرۆنا پێويستى بە هەماهەنگى و پاڵپشتى جيهانیى هەيە. لەمبارەیەوە بڕياريان لەسەر كۆنترۆڵكردنى كاريگەرييە جياوازەكانى پەتاكە دا بە گونجاوترين شێواز و دابەشكردنى ئەزموونەكان.
