ئەردۆغان ئیدانەی هێرشەكانى پۆليسى ئيسرائيل-ى بۆ سەر مزگەوتى ئەقسا كرد

ئیستانبوڵ - AA

سەرکۆماری تورکیا، رەجەب تەیب ئەردۆغان، ئیدانەی ھێرشی پۆلیسی ئیسرائیل-ی بۆ سەر نوێژخوێنانی مزگەوتی ئەقسا کرد.

ئەردۆغان لە رێگەی ھەژماری تایبەتی خۆی لە توێتەر بڵاویکردەوە، "بە توندی ئیدانەی ئەو ھێرشە قێزەوەنانە دەکەم کە بەداخەوە ئیسرائیل لە ھەموو مانگێکی رەمەزاندا بۆ سەر رووگەی یەکەممان، مزگەوتی ئەقسا ئەنجامی دەدات. وەکو تورکیا، لە ھەموو ھەل و مەرجێکدا بەردەوام دەبین لە پاڵپشتیکردنی برا فەڵەستینییەکانمان".

سەرکۆماری تورکیا، رەجەب تەیب ئەردۆغان، تویتەکەی بە زمانەکانی عیبرانی، ئینگلیزی و عەرەبیش بڵاوکردەوە.