دێرسم- AA

له‌ ئاکامی پێكدادانێكدا له‌نێوان هێزه‌ ئه‌منییه‌كان و ئه‌ندامانی رێكخراوی تیرۆریستیی له‌ شارۆچكه‌ی ئۆڤاجكی سه‌ربه‌ پارێزگای دێرسم، سه‌ربازێک گیانی له‌ده‌ستدا و سه‌ربازێكی دیکە برینداربوو.

به‌پێی ئه‌و زانیارییانه‌ی كه‌ ده‌ستكه‌وتوون، له‌ شارۆچكه‌ی ئۆڤاجكی سه‌ربه‌ پارێزگای دێرسم تیمه‌كانی فه‌رمانده‌یی جه‌ندرمه‌ له‌ پارێزگاكه‌، ئۆپه‌راسیۆنێكیان بۆ سه‌ر ئه‌ندامانی رێكخراوی تیرۆریستی ئه‌نجامدا.

له‌ ئاکامی پێكدادانێكدا كه‌ له‌ نێوان هێزه‌ ئه‌منییه‌كان و تیرۆریستاندا هاته‌ ئاراوه‌، دوو سه‌رباز برینداربوون.

دوای ئه‌وه‌ی كه‌ سه‌ربازه‌ برینداره‌كان بۆ نه‌خۆشخانه‌ی گشتیی دێرسم گوازرانه‌وه‌، یه‌كێكیان سه‌ره‌ڕای سه‌رجه‌م هه‌وڵه‌كان، نه‌توانرا رزگاربكرێت و گیانی له‌ده‌ستدا.

هاوکات ئۆپه‌راسیۆنه‌كان له‌ ناوچه‌كه‌ درێژه‌یان هه‌یه‌.