Li Fuara Pîşesaziya Parastinê ya Navneteweyî ya 17emîn (IDEF 2025) di çarçoveya peymana Muxtireya Mitabeqetê ji bo Zêdekirina Daneyan a Sensor û Sepanên Hişê Çêkirî ya di navbera Fermandariya Hêza Deryayî û ASELSANê da ewê karînên hişê çêkirî li sensor û kontrolên avêtinê bên zêdekirin.

Fuara Pîşesaziya Parastinê ya Navneteweyî ya 17emîn (IDEF 2025) ku Ajansa Anadoluyê (AA) "Hevbeşa wê ya Ragihandina Global" e bi mazuvaniya Wezareta Parastina Neteweyî û bi piştgiriya Serokatiya Pîşesaziya Parastinê ya Serokomariyê, di bin rêveberî û berpirsiyariya Weqfa Bihêzkirina Hêzên Çekdarî Yên Tirkiyeyê (TSKGV) û bi organîzatoriya Fuarkariya KFA AŞê li Navenda Fuarê ya Stenbolê (IFM) tê lidarxistin.

Bi merasima ku li fuarê hat lidarxistin va di navbera Fermandariya Hêza Deryayî û ASELSANê da Muxtireya Mitabeqetê ji bo Zêdekirina Daneyan a Sensor û Sepanên Hişê Çêkirî ya hat îmzekirin.

Muxtireya Mitabeqetê ku lêzedekirina teknolojiyên nû li Mavî Vatanê di xwe da digire, ji aliyê Fermandarê Hêza Deryayî Oramîral Ercument Tatlioglu û Rêveberê Giştî yê ASELSANê Ahmet Akyol va hat îmzekirin.

Bi muxtireya navborî armanc ew e ku di warê zêdekirina karînên hişê çêkirî li sensor û pergalên kontrolên avêtinê da hevkarî bê kirin.

Bi zêdekirina karînê hişê çêkirî li sensor û pergalên kontrolkirina avêtinê yên ku ji hêla ASELSAN va hatine pêşva xistin, hêza deryayî dê di warê şerê modern da avantaja têgihîştin, biryardan û berteka bileztir bi dest bixe.