XETA SOR YA MISILMANAN QUDS

Netanyahu "mijara îlhaqkirina erdê Filistînê" taloqî piştî hilbijartinan kir

Serokwezîrê Îsraîlê Binyamin Netanyahu "mijara îlhaqkirina cih û warên Cihû li Şerîeya Rojava bi cih bûne, Geliyê Urdinê û bakurê Behra Mirî" taloqî piştî hilbijartinên ku tê plankirin dê 2yê adarê bên kirin.

Önder Beyter   | 05.02.2020
Netanyahu "mijara îlhaqkirina erdê Filistînê" taloqî piştî hilbijartinan kir

Istanbul

Li gorî nûçeya malpera Rojnameya Haaretzê, Netanyahu di axaftina xwe ya li herêma Beyt Şemes a nêzîkî Qudsa dagirkirî da wiha got, "Em ê destûrê nedin ku firsendeke bi vî rengî (îlhaqkirina cih û warên Cihû lê bi cih bûne û Geliyê Urdinê) ji destê me derkeve. Me ev yek anî rojevê û em ê vê yekê bikin. Îja ji bo vê yekê û ji bo ewlehiya sînorên me û siberoja me, divê hemû endamên Likudê di hilbijartinan da dengê xwe bidin."

Di nûçeyê da hat balkişandin ku gotinên dawîn ên Netanyahu bi daxuyaniyên wî yên berê û yên berpirsên Likudê yên "herêmên navborî dê berî hilbijartinê bên îlhaqkirin", ji hevdu nagirin.

Hat îdiakirin zava û şêwirmendê Serokê Amerîkayê Donald Trump, Jared Kushner pêncşema borî jî Îsraîlê xwest ku mijara îlhaqê taloqî piştî hilbijartinan bike û lewma jî Netanyahu biryareke bi vî rengî wergirt.


Anadolu Ajansı web sitesinde, AA Haber Akış Sistemi (HAS) üzerinden abonelere sunulan haberlerin sadece bir kısmı, özetlenerek yayımlanmaktadır. Abonelik için lütfen iletişime geçiniz.
İlgili konular
Bu haberi paylaşın