Wezîrê Perwerdeya Neteweyî Yusuf Tekîn got: "Li dibistanan ûsuleke wiha tune, ne bihayê qeydkirinê û ne jî bexşa mecburî heye. Em kesên ku ji bo vê zorê didin malbatan hem devkî û hem jî bi huqûqê hişyar dikin."

Tekîn bû mêvanê Maseya Edîtoran ya Ajansa Anadoluyê (AA) û der barê rojevê da axivî.

- "Li dibistanan ne bihayê qeydkirinê û ne jî bexşa mecburî heye"

Wezîr Tekîn behsa pereyê ku ji bo qeydkirina xwendekaran tê stendin kir û wiha got: "Li dibistanan ûsuleke wiha tune, ne bihayê qeydkirinê û ne jî bexşa mecburî heye. Em kesên ku ji bo vê zorê didin malbatan hem devkî û hem jî bi huqûqê hişyar dikin."

Der barê zêdekirina biyayê serwîs û xwarinê ya dibistanên taybet da jî Tekîn wiha axivî: "Em bi dibistanên taybet şêwirîn û me soz hilda ku di bihayên serwîs û xwarinê da ew ê zemeke ku raya giştî aciz bike, nekin."

Tekîn daxuyand xwendekar beriya ku bikevin dersê wê telefonên xwe yên bêrikê teslîm bikin, mamoste jî ji bo ku nebin mînakên nebaş ew ê jî bi telefonê nekevin polê.

Wezîr Tekîn behsa wezîfedarkirina mamosteyên nû kir û wiha got: "Di dawiya cotmehê da em ê wezîfedarkirina mamosteyan ya li gor beşan îlan bikin, di destpêka sala perwerde û hîndekariyê ya biharê da emê hevalên nû li ser malbata xwe zêde bikin."

Tekîn wiha dewam kir: "Me ji bo hemû qursên perwerdeyê yên taybet bi QR kodê pênasekirina nasnameyê çêkiriye û welî bi vê kodê dikarin bi rehetî îzna wan bibînin."