Pirtûka "Projeyên Mezin ên Komarê" ya ku Ajansa Anadoluyê amade kir tê firotin

Pirtûka "Projeyên Mezin ên Komarê" ya ku Ajansa Anadoluyê (AA) bi piştgiriya Wezareta Gihandin û Binesaziyê va amade kir tê firotin.

Pirtûka ku bi piştgiriya Wezareta Gihandin û Binesaziyê va hat amadekirin û ji 9 beşan pêk tê behsa veberhênan û projeyên mezin ên ku ji îlana Komarê va heta îro hatine kirin, dike.

Beşên sereke yên pirtûkê ji veberhênanên bi serenavên gihandin, ragihandin, tenduristî, vejen û çavkaniyêna vê, pîşesaziya parastinê, teknolojî û pîşesazî, çand û huner, werziş û pêkhateyên îqtisadî pêk tê.

Di pirtûka "Projeyên Mezin ên Komarê" ya ku delîla herî berbiçav a projeyên Komara Tirkiyeyê bi derfetên neteweyî û xwemalî va kirine da cî dane Pireya Şehîdan a 15ê Tîrmehê, pireyên Osmangazî û Yavuz Sultan Selîm, Tunela Avrasyayê, Marmaray, Balafirgeha Stenbolê, trênên bilez. Di berhemê da projeyên ku di warên teknolojî, tenduristî, pîşesaziya parastinê û hewagerî, înşeat, çand, vejen û mîmariyê da hatine bicîanîn tên pêşkêşkirin.

- Proje bi dîrokên vekirinê û taybetmendiyên xwe va cî digirin

Di pirtûkê da pêngavên ku ji bo zêdekirina kapasîteya hilberînê û pêşxistina pîşesaziya parastinê hatin avêtin cî digirin. Digel projeyên ku ji salên ewil ên Komarê va hatine kirin ji Balafira Miharîp a Neteweyî bigire heta Baregeha Zanistê ya Tirkan a Antarktîkayê, ji Toggê heta vejena dikare xwe nû bike gelek hilperîn cî digirin.

Di berhemê da dîrokên vekirinê û taybetmendiyên projeyên ku li hemû dinyayê ji nêz va tên şopandin cî digirin.

Berhem ji ser platformên firotinê yên înternetê û pirtûkfiroşên bijarte dikare bê temînkirin.

- "Em ê ji bo gelê xwe bênavber, bêwestan xebata xwe bidomînin"

Di pirtûka ku bi piştgiriya Wezareta Gihandin û Binsaziyê hat amadekirin da cî dan nêrînên Wezîr Abdulkadîr Uraloglu.

Uraloglu destnîşan kir ku bi reformên aborî yên bingehî gel pêngavên herî mezin ên veberhênan û pêşketinê yên dîroka Komarê dît û ev gotin:

"Bi taybetî veberhênanên ku di warê gihandin û ragihandinê da hatin tetbîqkirin, ji bo pêşketina bazirganiya navneteweyî û fealiyetên me yên hilberînê roleke mezin lîst.

Em bi projeyên ku me heta niha tetbîq kirin va ji bo sala 100emîn a Komarê ji bo 'Sedsala Tirkiyeyê' amade ne û em ê di vê sedsala da çendî projeyan û xizmetan bikin.Ev berhema giranbuha ya ku ji hêla Ajansa Anadoluyê va hat amadekirin û wekî têbîniyeke ku li dîrokê hatiye avêtin ji bo ku mîrateya me ya bi serkeftinan dagirtî ragihînin nifşên nû dê peywireke girîng bi cî bîne."