"Gumanbar" pirtûka dawîn a "Sêyaniya Xezeyê" yên Ajansa Anadoluyê (AA) ku sûcên ji aliyê rêveberiya Îsraîlê va li Xezeyê hatine kirin, di çarçoveya delîl, şahidî û biryarên hiqûqa navneteweyî yên di bin Statuya Romayê ya Dadgeha Cezayê ya Navneteweyî (ICC) de belge dike, piştî "Delîl" û "Şahidê" hat weşandin.

Bi pirtûka dawî ya AAyê ya bi navê "Gumanbar" va dosyeya sûcên Îsraîlê li Xezeyê bi hemû hêmanên wê temam dike.

Pirtûka bi navê Gumanbar bi giranî li ser Serokwezîrê Îsraîlê Benyamîn Netanyahu û rêveberiya wî disekine, ku ew kes berpirsiyarê sereke yê tundûtûjî û wêrankirina li Xezeyê ye.

Pirtûkê zihniyeta rêveberiya ji kesayetên fanatîk pêk tê, ku hin ji wan li gor qanûna Îsraîlê jî sûcdar in, bi hemû tariya wê va, heta kuştina zarokan, wêrankirina xaniyên sivîlan û şewitandina daran jî wekî destkeftiyek û serkeftinekê dibîne, eşkere kir.

Pirtûka Gumanbarê, bi hêvî û biryardariya ku rojekê ew ê bi vê şermê ra rû bi rû bimînin û hesab bidin û ji siyasetê bigire heya karsaziyê, ji akademiyê bigire heya huner û çandê hemî derdorên wan ên ku bi piştgiriya xwe ya eskerî û siyasî weke makîneya kuştinê ya hikûmeta Netanyahu xebitîn, rasterast û nerasterast bi qirkirinê va girêdayî bûn, belge dike.

- Martin Shaw pêşgotina pirtûkê nivîsî

Akademisyen Martin Shawê ku bi lêkolînên xwe yên sosyolojîk ên li ser şer, qirkirin û siyaseta cîhanî tê nasîn, pêşgotina pirtûkê nivîsandiye.

Destpêk jî ji hêla Richard Falkê raportorê taybet ê berê yê Neteweyên Yekbûyî yê li ser Mafên Mirovan li Herêmên Filistînî yên Dagirkirî ve hatiye nivîsandin.

Her wiha raportorên Taybet ên berê yên Filistînê, Michael Lynk û John Dugard, Abdurrahman Erol ji Zanîngeha Erasmus, Shahd Hammouri ji Zanîngeha Kent, Walter Hixson ji Zanîngeha Akron, Cemil Aydin ji Zanîngeha Karolînaya Bakur û Selman Aksunger ji Zanîngeha Maastrichtê jî beşdarî gotarên ji bo pirtûkê bûn.

Pirtûkên "Sêyaniya Xezeyê" ku di warê bibîranîna trajediya qirkirina li Xezeyê bo bala cîhanê da roleke giring girtiye ser sitûyê xwe, dê di demeke nêzîk da bi awayekî dijîtal li ser malpera "gazatrilogy.com" werin weşandin.