Li Tunceliyê ajokarên texsiyan beşdarî dengdayîna "Wêneyên Salê" yên Ajansa Anadoluyê (AA) bûn.

Li bajêr hin texsîvanan yek bi yek li wêneyên ku foto nûçegihanên AAyê li welêt û dervayî welêt kişandine nihêrîn û deng dan wêneyên di kategoriyên "nûçe", "jiyan" û "werziş"ê da.

Texsîvan Gundogan Çag di kategoriya nûçeyê da deng da wêneya Muhammed Enes Yildirim a bi sernavê "Ne hunera Ebrûyê, lê musîlaj e".

Çag di kategoriya jiyanê da jî deng da wêneya Îsmaîl Kaplan a bi sernavê "Rengên xwezayê", di kategoriya werzişê da jî deng da wêneya Siraç Karadeniz a bi sernavê "Kaşûnvanên herêmî".

Fevzi Alan jî di kategoriya nûçeyê da wêneya Aytaç Unal a bi sernavê "Pîlota jin a ewil a helîkoptera êrîşê", di kategoriya jiyanê da wêneya Mehmet Emin Menguarslan a "Dema qûtxwarinê ya çivîkên mozan", di kategoriya werzişê da jî wêneya Mustafa Çiftçi a "Kêfa min li cî ye" hilbijartin.

Gundogan Çag diyar kir ku hemû wêneyên li ber dengdayînê rind in û lewma jî di bijartinê da wî zehmetî kişand.

Çag ji bo dengdayînê serkeftin ji foto nûçegihanan ra xwest û wiha got, "Wêne pir sipehî ne û ez Ajansa Anadoluyê pir ji nêz va dişopînim. Ez ji nûçeyên wê hez dikim û dixwînim."

Fevzi Alan jî diyar kir ku ji hêla naverokê va wêne pir watedar in û wiha got, "Wêneyan pir tesîr li min kirin. Ez hevalên ku ev wêne kişandin pîroz dikim."