Mahmoud Zekî Salem Issayê serketiyê yekemîn a kategoriya "Jiyana Rojane ya Tekane ya Marîon Mertens"ê ya "Istanbul Photo Awards 2025"an a pêşbirka wêneyên nûçeyan a navneteweyî ya ku ji hêla Ajansa Anadoluyê (AA) va tê lidarxistin, diyar kir ku carinan wêne tekane delîlên neheqî û êşê ne.

Di pêşbirka "Istanbul Photo Awards 2025"an da di 10 kategoriyan da xelat dan 29 wênekêşan.

Hilbijartin ji nav qasî 22 hezar serlêdanên ji çar aliyên cîhanê hatin kirin, çêbû.

Wênekêşê Filistînî Issa bi wêneyê xwe yê bi navê "Qeyrana Mirovî: Birçîbûn û Dorpêçî" yê ku bi awayekî xurt qeyrana birçîbûnê ya li Xezeyê nîşan dide va di kategoriya "Jiyana Rojane ya Tekane ya Marîon Mertens"ê da xelata yekembûnê bi dest xist.

Issa der barê wêneyê xwe yê xelata yekemtiyê hildaye da ji nûçegihanê AAyê ra wiha got: "Ev wêne dîmenê mirovên ku ji ber birçîbûn û xizaniyê êşê dikişînin û ji bo xwarinê bibînin têdikoşin keliyeke wan a êşê nîşan dide."

Issa diyar kir ku carinan wêne tekane delîlên neheqî û êşê ne û wiha axivî: "Her yek ji bo peydakirina debara xwe ya rojane qoşxaneyên vala hildigirin, li ser rûyên wan tirs û bêhêvîtî bi eşkere xuya dibe."

Issa bal kişand ser xetereya rewşê û got, ji ber ku malbata wî jî heman êşê dikişîne, ew pir pê êşiyaye û wiha dewam kir: "Ev wêne, kêliyeke wisa belge dike ku êşeke pir zêde nîşan dide. Însanên li Xezeyê di nav xelayeke rastîn da bûn. Aliyekî herî dijwar ê wênekişandina wêranbûnê ew e ku ez bi xwe jî heman krîzê dijîm."

Issa destnîşan kir, ji ber ku derfeta veguhestinê tunebû, ew ji bo demeke dirêj ber bi cihên belavkirina xidayê meşiya.

- "Istanbul Photo Awards"

Istanbul Photo Awards a ku hunera ravekirina çîrokan a dîtbarî pîroz dike, bûye kevirê mîhengê yê nûçegihaniya wêneyan a kurewî yên ku li ser asta cîhanê mijarên krîtîk dixin rojevê.

Serokatiya Ajansa Hevkarî û Koordînasyona Tirkan (TÎKA) û Rêhewayên Tirk (THY) piştgirî dan pêşbaziya ku îsal bi sponsoriya ragihandinê ya Turkcellê va hat lidarxistin.

Zanyariyên der heqê wêneyên xelatkirî û endamên juriyê da li ser malpera "istanbulphotoawards.com"ê hene.