Dengdayîna "Wêneyên Salê" yên ku di sala 2025an da ketine ber objektîfa Ajansa Anadoluyê (AA) û mohra xwe li ser bûyerên giring xistine, dest pê kir.

Pêşbirk bi sponsoriya Life Box, AJet û ROKETSANê tê lidarxistin û her wiha wêneyên salê dê ji nav 112 wêneyên herî balkêş ên nûçegihan û nûçegihanên wêneyan ên AAyê yên der barê mijar û geşedanên giring ên wek şer, siyaset, spor, hawirdor û jiyanê da yên ku bandor li ser rojeva Tirkiye û cîhanê kirine û di çapemeniya navneteweyî da gelek caran hatine bikaranîn bên hilbijartin.

Di dengdayîna "Wêneyên Salê" da ya ku bûye kevneşopî û bi hezaran kes beşdariyê dikin, taybet ji bo îsal 2 kategoriyên bi sernavê "Xeze: Xela" û "Portre" lê hatin zêdekirin.

Di kategoriya "Xeze: Xela"yê da 15 wêne hene ku bobelata însanî ya ji ber xelaya li Xezeyê nîşan didin, di kategoriya "Portre"yê da jî 14 wêne hene ku bi nîşandana reng û rûyê wan va, çîroka însanan raber dike.

"yilinkareleri.aa.com.tr" 

- Kategoriyên din

Di kategoriya sereke da jî 4 sernavên wekî "Nûçe", "Jiyana Siruştî û Hawirdor", "Werziş" û "Jiyana Rojane" hene.

Di kategoriya "Nûçe"yê da 20, di kategoriyên "Jiyana Siruştî û Hawirdor" û "Jiyana Rojane û her wiha "Werziş"ê da ji her yekê 21 wêneyên bijartî cih digirin.

Pêşbirk bi jêrnivîsên Tirkî û Îngilizî va li tevahiya dinyayê ji dengdayînê ra vekirî ye û beşdar çiqasî bixwazin, dikarin dengê xwe bidin ewqas wêneyan.

Dengdayîna ku par milyonek û 543 hezar û 367 kes beşdar bûn dê li ser malpera înternetê ya "yilinkareleri.aa.com.tr"yê heta 31ê Rêbedana 2026an saet 17.00an dewam bike.