Dengdayîna "Wêneyên Salê" yên AAyê dest pê kir

Dengdayîna "Wêneyên Salê" yên ku di sala 2024an da ketine ber objektîfa Ajansa Anadoluyê (AA) û mohra xwe li ser bûyerên giring xistine, dest pê kir.

Pêşbirk bi sponsoriya ROKETSAN û Sonyê tê lidarxistin û her wiha wêneyên salê dê ji nav 140 wêneyên herî balkêş ên nûçegihan û nûçegihanên wêneyan ên AAyê yên der barê mijar û geşedanên giring ên wek şer, siyaset, spor, hawirdor û jiyanê da yên ku bandor li ser rojeva Tirkiye û cîhanê kirine û di çapemeniya navneteweyî da gelek caran hatine bikaranîn bên hilbijartin.

Di dengdayîna "Wêneyên Salê" da ya ku bûye kevneşopî û bi hezaran kes beşdariyê dikin, taybet ji bo îsal kategoriyeke bi sernavê "Sûriyeya Azad" lê hat zêdekirin.

Her wiha 21 wêneyên bi ser geşedanên li Sûriyeyê yên piştî rûxîna rejima Beas a 61 salan û bidawîbûna serdema malbata Esed da xwar dibin, bi sernavê "Sûriyeya Azad" dê bikevin ber dengdayînê.

Ji kategoriyên sereke di kategoriya "Jiyana Siruştî û Hawirdor"ê da 24, di kategoriya "Jiyana Rojane" da 26, di kategoriya "Nûçe"yan da 41 û di kategoriya "Werziş"ê da jî 28 wêneyên bijartî hene.

Yên beşdarî pêşbirkê dibin, çiqas bixwazin, dikarin dengê xwe bidin ewqas wêneyê.

Dengdayîna ku par 869 hezar û 591 kes beşdar bûbûn dê li ser malpera înternetê ya "yilinkareleri.aa.com.tr"yê heta 31ê Rêbedana 2025an saet 17.00an dewam bike.