Xebatên lêgerînê yên ji bo çiyagera jin a ku hilkişiya Çiyayê Agiriyê, lê ji bilindahiya çiyê ya 4 hezar û 700 mêtroyî vegeriya û êdî xeber jê nehat hildan, dewam dikin.

Sevim Yilmaz Hasanovaya ku roja yekşemê bi koma hevalên xwe yên ku ji 5 kesan pêk tê va hilkişiya Çiyayê Agiriyê, dema ku gihîşt bilindahiya çiyê ya 4 hezar û 700 mêtroyî ji komê veqetiya û xwest ku vegere. Ji wê rojê pê va tu xeber ji Yilmazê nehat hildan û xebatên lêgerîn û xelaskirinê hatin destpêkirin.

Xebat bi serkêşiya ekîbên Lêgerîn û Rizgarkirinê yên AFAD û cendirmeyan û bi beşdariya çiyagerên pispor va tên kirin.

Ekîbên Rêveberiya Taybet a Bajêr jî bi makîneyên kar va rêyên herêmê vedikin.

Ekîbên Şaxa Bazîdê ya Hîva Sor a Tirkan jî diçin herêmê da ku xwarinê bidin ekîbên ku dixebitin.

Sevim Yilmaz Hasanovaya ku di nav komeke ji 5 çiyageran pêk tê da bû, di 22ê Adarê da dest bi hilkişîna Çiyayê Agiriyê ya ku bi 5 hezar û 137 mêtroyan va cihê herî bilind ê Tirkiyeyê ye, kiribû. Hasanova di bilindahiya çiyê ya 4 hezar û 700 mêtroyî da ji komê veqetiyabû û dest bi daketinê kiribû ku paşê ji wê tu xeber nehatibû hildan.