WPN: Di encama xebatên lêgerînê yên li ser enqaza balafira me ya kargoya eskerî ya ku li sînorê Azerbeycan-Gurcistanê ketibû, termê şehîdê me yê 20emîn jî hat dîtin.

WPN: Amûrên FDR û CVDR ên ku wekî qutiyên reş ên balafira me ya ket tên binavkirin, ji bo lêkolînê anîn welatê me û li Enqerê tên lêkolînkirin.

WPN: Hesabên ku agahiyên nasnameya şehîdên me beriya daxuyaniyên fermî parve kirin, hatin tesbîtkirin û der barê wan da giliyê sûcê hat kirin.

WPN: (Balafira kargoyê ya eskerî ya li ser sînorê Gurcistan-Azerbeycanê ket) Cinazeyên hevalên me yên qehreman ên şehîd bûn, hatin dîtin û tê plankirin ku îro bînin welatê me.

Wezareta Parastina Neteweyî ragihand ku tîma lêkolîn, lêgerîn û rizgarkirinê ya ji bo balafira kargoyê ya eskerî ya cureya C-130yî ku li Gurcistanê ketibû, gihîştiye herêmê û xebatên xwe didomîne.

Di parvekirina ku li ser hesabê NSosyalê ya wezaretê hatiye parvekirin da ev daxuyanî hatine dayîn:

"Tîma lêkolîn, lêgerîn û rizgarkirinê ya ji bo balafira kargoyê ya eskerî ya cureya C-130yî ku li Gurcistanê ketibû, gihîştiye herêmê û xebatên xwe bi hevkariya rayedarên Gurcistanê didomîne. Pêvajoya lêkolîn û nirxandina teknîkî ya der barê qezayê da berdewam dike û pêşketinên din wê bi raya giştî ra werin parvekirin."

Di parvekirinê da wêneyên xebatê jî hebûn.