ANKARA (AA) - Wezîrê Karên Navxweyi Ali Yerlikaya ragihand, li Wanê di Operasyona Ayar-2 da ya dijî qaçaxçîtiya zêran hat kirin, 88 kîlogram zêrê kulçe yê bi qaçaxî derbasî welêt kirine, hat qefaltin.

Wezîr Yerlikaya di parvekirina li ser hesabê xwe yê medyaya civakî da diyar kir, di kordîneya Serdozgeriya Komarê ya Wanê û Midûriyeta Ewlekariya Parêzgehê da li dijî qaçaxçîtiyê operasyon hat kirin.

Yerlikaya bal kişand, di operasyonê da li navçeya Edremîtê di lêgerîna wesayîtekê da 88 heb zêrê kulçe yê 24 eyar ê her yek jê kîlogramek giran hatin qefaltin ku nirxê wê yê piyaseyê qedera 215 milyon lîre ye.

Wezîr Yerlikaya destnîşan kir ku di operasyonê da berşikek jî hat qefaltin.