Tirkiye

Wezareta Perwerdeya Neteweyî makîneya maskeya cerahî çêkir

MEBê di vê merheleyê da giraniya xwe da ser dîzayna cîhazên tên hilberîn û xebatên Ar-Geyê.

Elif Irmak   | 31.03.2020
Wezareta Perwerdeya Neteweyî makîneya maskeya cerahî çêkir

Ankara

 Wezareta Perwerdeya Neteweyî (MEB) di çarçoveya tevdîrên vîrusa koronayê ya nû (Kovîd-19) da kapasîteya hilberînê ya lîseyên Anadoluyê yên pîşe û teknîkî derxist holê, ji berhemên paqijî û dezenfeksiyonê heta pêşmal û tulimên yekcarî heta sîperên parastina rû dest bi hilberîna zû ya berhemên cuda kir.

MEBê di vê merheleyê da giraniya xwe da ser dîzayna cîhazên tên hilberîn û xebatên Ar-Geyê.

Di encama xebatan da Makîneya Maskeya Cerrahî ya Ultrasonîk a Bitêl a 3 Qatî ya Otomatîk hat çêkirin û bi vê makîneyê dest bi çêkirina îmalata zû ya rojane 100 hezar maskeyan kirin.

Alîkarê Wezîrê Perwerdeya Neteweyî Mahmut Ozer daxuyanî da nûçegihanê AAyê û got ku li lîseyên pîşeyê ji melzemeyên paqijî û dezenfeksiyonê heta hilberîna maskeyên cerahî, pêşmal û tulimên yekcarî heta sîpera rû diparêz binesazî xurt kirin û di hemû qadan da gelekî hilberînê dikin.

Ozer behs kir ku li bajêrên ku hatine hilbijartin ji bo hilberîna cîhazên biyomedîkal xebatên Ar-Geyê kordîne dikin û ev agahî dan:

"Me li bajarên xwe piştgiriyeke mezin da binesaziya Ar-Geyê. Li Gazîosmanpaşaya navçeya Stenbolê li Lîseya Anadoluyê ya Teknîk û Pîşeyê ya Kuçukkoyê dest bi hilberîn û çêkirina Makîneya Maskeya Cerahî ya Ultrasonîk a Bitêl a 3 Qatî ya Otomatîk kirin. Em gelekî kêfxweş in ku xebera ewil a mirov kêfxweş dike. Bi Makîneya Maskeya Cerahî ya Ultrasonîk a Bitêl a 3 Qatî ya Otomatîk a ku li Lîseya Anadoluyê ya Teknîk û Pîşeyê ya Kuçukkoyê hat çêkirin dê bikarin rojane 100 hezar maskeyan çêbikin."

Anadolu Ajansı web sitesinde, AA Haber Akış Sistemi (HAS) üzerinden abonelere sunulan haberlerin sadece bir kısmı, özetlenerek yayımlanmaktadır. Abonelik için lütfen iletişime geçiniz.
İlgili konular
Bu haberi paylaşın