Wezîrê Parastina Neteweyî Hulusî Akar der barê êrîşa terorê ya li navenda Efrînê hat kirin da wiha got, "Piştî êrîşê operasyonan dest pê kiriye. Hedefên tên zanîn tên bomberan û gulebarankirin û 18 terorîst hatine berterefkirin."

Wezîrê Parastina Neteweyî Hulusî Akar û fermandarên Artêşa Tirkiyeyê çûn serdana yekîneyên li ser sînorê Iraqê.

Akar tevî Sererkan Orgeneral Yaşar Guler, Fermandarê Hêzên Bejayê Orgeneral Musa Avsever, Fermandarê Hêzên Behrê Oramîral Adnan Ozbal û Fermandarê Hêzên Asîmanî Orgeneral Hasan Kuçukakyuz hat Şirnexê.

Hulusî Akar û fermandarên pê ra çûn Fermandariya Tumena Piyade ya 23yemîn û bi vîdeokonferansê bi fermandarên yekîneyên li ser sînor û dervayî sînor ra axivî û der barê rewşa li qadê da agahî hilda.

Akar destnîşan kir ku piştî êrîşa terorê ya li Efrînê ku tê da sivîl hatin kuştin operasyon dane destpêkirin û wiha got, "Piştî êrîşê me operasyon dane destpêkirin. Hedefên tên zanîn tên bomberan û gulebarankirin û 18 terorîst hatine berterefkirin."