Wezîrê Çandinî û Daristanê Îbrahîm Yumakli ragihand ku 55 şewatên ku di 24 saetên dawîn da derketin, hatin temirandin û wiha got, "Li welatê me niha bi tenê şewatek dewam dike û ew jî şewata Harmancika Bursayê. 5 balafir, 30 firoke, 855 wesayîtên bejayê seba temirandina wê derê dixebitin."

Wezîr Yumakli di civîna çapemeniyê ya li Navenda Birêvabirinê ya Şewatê ya Midûriyeta Giştî ya Daristanê da der heqê rewşa dawîn a şewatan da agahî dan.

Yumakli bal kişand ku di 24 saetên dawîn da li Tirkiyeyê 55 şewat derketin û wiha dewam kir, "Bi temamî 55 şewatên ku di 24 saetên dawîn da derketin, hatin temirandin. Li van qadan xebatên me yên reşandina avê û sarkirinê wê dewam bikin. Li welatê me tenê şewatek dewam dike, şewata Harmancika Bursayê. 5 balafir, 30 firoke, 855 wesayîtên bejayê seba temirandina wê derê dixebitin."