Turkish Airlines û Ajetê ragihandin ku geştên xwe yên îro û sibe yên ji bo Îranê rawestandine.

Turkish Airlinesê (THY) ragihand ku bi tevahî 17 geştên asîmanî yên ku ji bo îro û sibê ber bi Tehran, Tebrîz û Meşhedê bajarên Îranê va hatibûn plankirin hatine betalkirin.

Di daxuyaniya THYê da wiha hat gotin: "Ji ber geşedanên herêmî yên li Îranê, bi tevahî 17 geştên me yên asîmanî yên ku 9ê Çileya Paşîn roja înê û 10ê Çileya Paşîn roja şemiyê bikin, ber bi Tehran, Tebrîz û Meşhedê va bihatina kirin, hatine betalkirin."

Ji aliyê din va AJetê jî ragihand ku 6 geştên xwe yên asîmanî yên ku îro û sibe ji bo Tehranê rawestandine.

Di daxuyaniya AJetê da jî wiha hat gotin, "Ji ber geşedanên herêmî yên li Îranê, 6 geştên me yên asîmanî yên ku me plankiribû 9ê Çileya Paşîn roja înê û 10ê Çileya Paşîn roja şemiyê bikin, hatin rawestandin. Derbarê rewşa dawîn a geştan da mêvanên me tên agahdarkirin."