TRT naverokên taybet bi Şeva Mîracê ku roja weke çûna Muhemmed Pêxember ji bo hizûra Xwedê tê bawerkirin, sibê dê pêşkêşî temaşevan û guhdaran bike.

Li gorî daxuyaniyeke ji TRTê, axaftinên dînî, due û îlahiyên ku atmosfera manewî ya Şeva Mîracê nîşan didin dê li radyo û televîzyonên TRTê werin weşandin.

Di çarçoveya weşanên Qendîlê da, bernameya "Şeva Mîracê" ku ji Mizgefta Karagozluler a li Kerneka Malatyayê dê bê weşandin, saet 19:45an ewê li ser ekrana TRT 1ê were nîşandan.

Fîlma li ser têkoşîna gelê Libyayê ya ji bo serxwebûnê li dijî dagirkeriya Îtalyayê "Şêrê Biyabanê (Omer Muxtar)", ewê saet 00:45an li ser TRT 1ê were weşandin.

Bernameya "Sohbeta Şeva Mîracê", ku mêvan Osman Egin û Doc. Dr. Asim Akkuş tê da ne, dê saet 19:00an were weşandin, di heman demê da "Weşana Zindî ya Taybet a Şeva Mîracê" ji Mizgefta Haci Bayram Veli ya Enqerê dê saet 20:00an li ser TRT Avaz were weşandin.

Bernameya "Şeva Mîracê ya Kircaalî", ku ji Mizgefta Nû ya Kircaalî ya Bulxaristanê tê weşandin, dê saet 20:00an li ser TRT Turkê zindî were weşandin.

Bernameya "Şeva Mîracê" dê saet 19:30an li ser ekranên TRT Kurdî were weşandin.

Radyoyên TRTê jî dê di tevahiya rojê da naverokên taybet biweşînin, ruhanîyeta şevê bigihînin guhdarên xwe.