Wezareta Karê Derva li ser biryara hikûmeta Îsraîlê ya berfirehkirina operasyona eskerî li Xezeyê got, "Em bi awayekî herî tund, biryara berfirehkirina operasyona eskerî li Xezeyê, ku asteke nû ya polîtîkaya Îsraîlê ya berfirehxwez û qirkirinê li herêmê ye, şermezar dikin."

Di daxuyaniya Wezaretê da hat destnîşankirin ku Hikûmeta (Serokwezîrê Îsraîlê Benyamîn) Netanyahuyê "fundamentalîst", ji bo domandina qirkirina li dijî Filistîniyan û berfirehkirina dagirkeriyê her gavî diavêje, bi vê va derbeke mezin li aştî û ewlekariya navneteweyî xistiye û her wiha bêistiqrariya herêmî zêde kiriye û qeyrana mirovî kûrtir kiriye.

Di daxuyaniyê da wiha jî hat gotin:

"Aştiyeke mayînde li herêma me tenê bi rêya serweriya hiqûqa navneteweyî, pêşaniya dîplomasiyê û parastina mafên bingehîn ên mirovan mimkun e. Îsraîla dagirker divê demildest planên xwe yên şer rawestîne, agirbesteke li Xezeyê qebûl bike û dest bi mizakereyên ji bo çareseriyeke du dewletan bike.

Cîbicîkirina wê biryarê ku armanca wê ew e bi zorê Filistîniyan ji axa wan bide koçkirin. Vê jî bi rêya wê yekê bike ku Xezeyê bike cihekî ku mirov nikaribin lê bijîn. Ji bo rêgirîkirina vê biryarê em bangê li civaka navneteweyî û li Konseya Ewlehiyê ya Neteweyên Yekbûyî (NY) dikin. Bila rê li ber kiryarên Îsraîlê yên li dijî hiqûqa navneteweyî û nirxên mirovî bigirin."