"TEKNOFEST 2020" li Gazîentabê dest pê kir

Mihrîcana Feza û Teknolojiyê "TEKNOFEST 2020" ya ku bi pêşengiya Wezareta Pîşesazî û Teknolojiyê û Weqfa Tîma Teknolojiyê ya Tirkiyeyê (T3) va hat organîzekirin û Ajansa Anadoluyê (AA) jî "Şirîkê Ragihandinê yê Global" e li Gazîentabê dest pê kir.

Wezîrê Pîşesazî û Teknolojiyê Mustafa Varank di merasima li pêşiya Kelha Gazîentabê hat kirin da diyar kir ku ev mihrîcan wek nîşaneya teknolojiya neteweyî ye û ji bo vê jî Weqfa T3ê di serî da ji hemû şirîk û kedkaran ra spas kir.

Serokê Heyeta Şandeya Mutewelî ya Weqfa T3yan û Serokê Lijneya Rêveberiya TEKNOFESTê Selçûk Bayraktar jî diyar kir ew ji ber ku TEKNOFEST li Gazîentaba bajarekî Anadoluyê ye hat kirin gelekî kêfxweş in.

❮❯

"TEKNOFEST 2020" li Gazîentabê dest pê kir

Mihrîcana Feza û Teknolojiyê "TEKNOFEST 2020" ya ku bi pêşengiya Wezareta Pîşesazî û Teknolojiyê û Weqfa Tîma Teknolojiyê ya Tirkiyeyê (T3) va hat organîzekirin û Ajansa Anadoluyê (AA) jî "Şirîkê Ragihandinê yê Global" e li Gazîentabê dest pê kir.TEKNOFESTê heta 27ê îlonê dewam bike. ( Raşid Necati Aslım - Anadolu Agency )

Waliyê Gazîentabê Davut Gul jî got ku ji ber ku TEKNOFEST li bajarê wan hatiye kirin pir ew kêfxweş in û ragihand ku ev mihrîcan wê di her qadî da bi kêrî bajêr bê.

Şaredara Bajarê Mezin a Gazîentabê Fatma Şahînê jî bi bîr xist ku cara ewil e li Gazîentaba bajarê qedîm mihrîcana TEKNOFESTê tê kirin û ew ji ber vê mazuvaniyê serbilind in.

Endamê Lijneya Rêveberiyê ya AAyê Şaban Kizildag û Dîrektorê Ragihandina Saziyî û Bazargeriya AAyê Yilmaz Yaman jî beşdarî merasimê bûn.

TEKNOFESTê heta 27ê îlonê dewam bike.

Wezîr Varank: TEKNOFEST çalakiyeke wisa ye ku dikare civakê biguherîne

Mustafa Varankê Wezîrê Pîşesazî û Teknolojiyê di merasima vekirina TEKNOFEST 2020î da li Gazîentabê axivî û got, "Eleqeya nîşanî TEKNOFESTê didin her sal zêde dibe. Di sala ewil a festivalê da 4 hezar û 333 taxim ketibûn pêşbaziyê, di sala duduyan da hejmara taximan bû 17 hezar û 773. Îsal jî ji 100 hezarî zêdetir pêşbazî serî li TEKNOFESTê xist, ya rastî ev hejmaree zehf zêde ye."

Wezîr varank axaftina xwe wiha domand:

"TEKNOFEST çalakiyeke wisa ye ku dikare civakê biguherîne. Em ê encama tovên niha tên avêtin di demên navîn û dirêj da bi hev ra bibînin. Îro kesên li vê derê roketan radikin, pêşbaziya ÎHAyan dikin, amûrên vejenê îcad dikin ew ê sibê li vî welatî bibin mîmarên fuzeyên modern, teyareyan û bajarên hişmend.

Em bi saya vê çalakiyê potensiyela ciwanan keşf dikin, dikarin bibin hevalrêyê xeyalên wan. Em ê teşwîqê bidomînin ku bi dehan hezarî ciwanên me teknolojiyê pêş bixin, di taximên Ar-Geyê da cî bigrin, şirketan ava bikin û berî xwe bidin bazarên dinyayê."

- "Me bi navbeynkariya TUBÎTAKê di 2 salan da 313 milyon lire burs û piştgirî da"

Wezîr Varank wiha pê da çû: "Em hemû polîtîkayên wezareta xwe bi vizyona Hemleya Teknolojiya Neteweyî va hasil dikin û pêk tînin. Em ji bo pêşeroja teknolojiya krîtîk pêş bixin, di qadên teknolojiya teze da berhemên reqabetê çêbikin dixebitin. Bi tenê wisa dikarin serxwebûna xwe ya aboriyê û teknolojiyê bi dest bixin."

Mustafa Varank wiha got: "Me bi navbeynkariya TUBÎTAKê di 2 salan da 313 milyon lire burs û piştgirî da ji 16 hezarî zêdetir ciwanên xwe. Me projeyên wekî Bernameya Doxtoraya Pîşesaziyê û Bernameya Lêkolînerên Lîder çêkirin. Di 2 salên dawîn da 15 milyon welatiyên me ji weşanên zanista populer a TUBÎTAKê îstifade kirin. Em ê ji vê şûn da jî rêya xwe bimeşin."