Serokomar Recep Tayyîp Erdogan got, "Kes nikare pêşî li avakirina Tirkiyeya nû, Tirkiyeya mezin bigire."

Erdogan di Merasima Pêşkêşkirina Peşka Xaniyên Alîkariya Afatê ya 455 Hezaremîn, Radestkirina Mifteyê û Vekirina Komî ya Veberhênanên Qediyayî da axivî ku Serokê Giştî yê MHPyê Devlet Bahçelî jî beşdar bû.

Serokomar Erdogan diyar kir bi şev û roj xebitîne da ku baweriya Hatayê badilhewa nebe û wiha got, "Me birînên xwe bi sebir, dilovanî û hevgirtineke ku wê ji bo hemû cîhanê bibe mînak derman kirin.Em bi serbilindî 455 hezaremîn xaniyê ku li 11 bajarên erdhejê bandor lê kir, radestî xwişk û birayên xwe yên ku mafê wan heye, dikin."

Erdogan destnîşan kir tenê li ser karê xwe sekinîne û wiha dewam kir, "Me gotinên dijminên milet û gel ku li benda hilweşîna hikûmeta me bûn, paşguh kirin. Em tenê li ser karê xwe sekinîn û me gotinên dijminên milet û gel ku li benda hilweşîna hikûmeta me bûn, paşguh kirin."

Serokomar Erdogan diyar kir piştî Tirkiyeya Bêteror wê hemû bi hev ra herêmeke bêteror ava bikin ku siya tarî ya terorîzmê bi tevahî ji holê rabûye û wiha peyivî, "Kes nikare pêşî li avakirina Tirkiyeya nû, Tirkiyeya mezin bigire. Em dizanin kesên ku hewl didin li gorî nijadî û baweriyên dînî me parçe bikin, kî ne. Em ê dijî dafikên kesên ku ji xwîn û kaosê sûd werdigirin, hişyar bin."