Serokomar Recep Tayyîp Erdogan got, "Em bi Erebistana Siûdî ra di warê pîşesaziya parastinê da peymanên hevkariyê yên girîng îmze dikin û em bi biryar in ku vê yekê bêtir pêşva bibin."

Serokomar Erdogan piştî serdanên xwe yên Erebistana Siûdî û Misrê dema ku vegeriya Tirkiyeyê, di balafirê da daxuyanî dan ji rojnamevanan.

Erdogan bal kişand ser KAANê û got, "Me derbarê KAANê da nirxandinên erênî wergirtine. Di vê mijarê da bi Erebistana Siûdî ra hevkarî heye. Em dikarin vê veberhênana hevbeş zûtir pêk bînin. Em bi Erebistana Siûdî ra di warê pîşesaziya parastinê da peymanên hevkariyê yên giring îmze dikin û em bi biryar in ku vê yekê bêtir pêşva bibin."

- Rageşiya di navbera Amerîka û Îranê da

Serokomar Erdogan li ser rageşiya di navbera Amerîka û Îranê da wiha got, "Danîna maseya mizakereyê giring e. Em hêvî dikin pirsgirêk bi rêya diyalogê çareser bibin û li herêma me pevçûneke nû dest pê neke. Beriya her tiştî em li herêma xwe şerekî nû naxwazin. Min bi awayekî zelal anî ziman û tînim ziman."

- "Êrîş û binpêkirinên bênavber ên Îsraîlê nayên qebûlkirin"

Erdogan anî ziman ku êrîş û binpêkirinên bênavber ên Îsraîlê nayên qebûlkirin û got, "Em bang li civaka navneteweyî dikin ku zextê li Îsraîlê bikin da ku bi tevahî agirbestê bi cih bîne. Ji bo ku Plana Aştiya Xezeyê wek pêwîst dike were şixulandin û her wiha aramî û îstiqrar jinûva li Xezeyê bê tesîskirin, Tirkiye dê roleke çalak bilîze."

Serokomar Erdogan destnîşan kir ku ew dixwazin Filistînî yên li Xezeyê siberojeke birûmet û aştiyeke mayînde ya ku heq dikin bi dest bixin û weke Tirkiyeyê ew alîgirê avakirina aştiyê ne.

- Komîsyona parlementoyê

Serokomar Erdogan got, "Komîsyona parlementoyê rapora xwe ya hevbeş wextî temam dike. Hêviya me ew e ku rapor bi lihevkirinek û perspektîfek ku dînamîzmê bîne pêvajoyê. Hedefa me ya Tirkiyeya Bêteror bi gavên em diavêjin va ber bi herêma bêteror diçe û înşelah em ê herdu hedefan jî bi aramî pêk bînin. Divê em rewşa zexel a di navbera hikûmeta navendî û rêveberiyên herêmî de, ya ku dibe sedema pevçûnên desthilatdariyê, modernîze bikin."

- "Em Sûriyeyeke yekgirtî, bihêz û aştiyane dixwazin"

Serokomar Erdogan bal kişand ser rewşa Sûriyeyê û got, "Em Sûriyeyeke yekgirtî, bihêz û aştiyane dixwazin ku hemû rengên wê tê da hebin. Em li cem Sûriyeyê ne. Em Kurd, Ereb, Tirkmen û Nusayrî her kesî hembêz dikin. Divê kes qet li ser gurkirina pevçûnan yan jî bilindkirina rageşiyê nefikire. Hesabên xelet hem ji Şamê û hem jî ji Enqereyê vegeriyane."